বিশ্বৰ আটাইতকৈ জনপ্ৰিয় ক্ৰীড়াসমূহ - ২০২৪।
ক্ৰীড়া হৈছে শাৰীৰিক ক্ৰিয়া বা খেলৰ এক প্ৰকাৰ যিয়ে মানুহক সীমা আৰু সংস্কৃতি অতিক্ৰম কৰি একত্ৰিত কৰে। খেলসমূহ হৈছে বিশ্বজুৰি সংস্কৃতিৰ এক অবিচ্ছেদ্য অংগ আৰু ই সামাজিক সংহতি, শাৰীৰিক স্বাস্থ্য আৰু মানসিক সুস্থতাত অৰিহণা যোগায়। বিশ্বৰ সৰ্বাধিক খেলা খেলসমূহ অনুৰাগী, অংশগ্ৰহণকাৰী আৰু দৰ্শকৰ সংখ্যাৰ ওপৰত নিৰ্ভৰ কৰি নিৰ্ধাৰণ কৰা হয়।
বিশ্বৰ শীৰ্ষ ১০ টা সৰ্বাধিক জনপ্ৰিয় ক্ৰীড়া (Top 10 Most Popular Sports in the World) -
ফুটবল (Football):
ফুটবলক ছকাৰ বুলিও কোৱা হয় যিটো দুটা দলে খেলা খেল আৰু প্ৰতিটো দলতে 11 জনকৈ খেলুৱৈৰে গঠিত। আনুমানিক 350 কোটি অনুৰাগীৰ সৈতে ফুটবল হৈছে বিশ্বৰ আটাইতকৈ জনপ্ৰিয় খেল (Most Popular Sports in the World)। ইউৰোপ, আফ্ৰিকা, এছিয়া আৰু আমেৰিকাত ইয়াক আবেগিকভাৱে খেলা আৰু অনুসৰণ কৰা হয়। বিশ্বজুৰি প্ৰায় 27 কোটি খেলুৱৈয়ে ফুটবল খেলত অংশগ্ৰহণ কৰে।
ক্ৰিকেট (Cricket):
ক্ৰিকেট হৈছে খেলপথাৰত এঘাৰজনীয়া দুটা দলৰ মাজত খেলা বেট আৰু বল খেল। ইংলেণ্ডৰ পৰা উৎপত্তি হোৱা ক্ৰিকেট এতিয়া বিশ্বজুৰি বিশেষকৈ অষ্ট্ৰেলিয়া, ভাৰত, পাকিস্তান, ৱেষ্ট ইণ্ডিজ আৰু ইংলেণ্ডৰ দৰে দেশত খেলা হয়। ই হৈছে বিশ্বৰ দ্বিতীয় সৰ্বাধিক জনপ্ৰিয় ক্ৰীড়া (Second Most Popular Sports in the World), ইয়াৰ অনুৰাগী প্ৰায় 250 কোটি। পৰম্পৰাৰে সমৃদ্ধ এই খেলখনৰ টেষ্ট মেচ (Test Matches), ৱান ডে ইণ্টাৰনেশ্যনেল (One Day Internationals) আৰু টি-২০ (Twenty-20) মেচকে ধৰি বিভিন্ন ফৰ্মেট আছে।
হকী (Hockey):
হকীৰ উৎপত্তি হৈছিল 18 শতিকাত ইংলেণ্ডত। কিন্ত সময়ৰ লগে লগে এই খেলবিধৰ বিভিন্ন সংস্কৰণ গঢ় লৈ উঠিল, যেনে – ফিল্ড হকী (Field Hockey), ষ্ট্ৰীট হকী (Street Hockey), ৰোলাৰ হকী (Roller Hockey), আইচ হকী (Ice Hockey) ইত্যাদি। আনুমানিক 200 কোটি অনুৰাগীৰ সৈতে হকী বিশ্বৰ তৃতীয় জনপ্ৰিয় ক্ৰীড়া (Third Most Popular Sports in the World)। ইউৰোপ, আফ্ৰিকা, এছিয়া আৰু অষ্ট্ৰেলিয়াত জনপ্ৰিয় ই এক দ্ৰুত গতিৰ খেল। ইয়াৰ উপৰিও ই অলিম্পিকৰ এক বিশিষ্ট খেল।
টেনিছ (Tennis):
টেনিছ হৈছে দুজন বিপক্ষ খেলুৱৈ বা যোৰ খেলুৱৈৰ মাজত খেলা খেল, যিটো এটা বল আৰু এখন ৰেকেটৰ সহায়ত খেলা হয়। ই হৈছে আটাইতকৈ জনপ্ৰিয় ব্যক্তিগত খেল আৰু ইয়াৰ অনুৰাগীৰ সংখ্যা প্ৰায় 100 কোটি। ইউৰোপ, এছিয়া আৰু আমেৰিকাত ইয়াৰ জনপ্ৰিয়তা আছে।
ভলীবল (Volleyball):
ভলীবল হৈছে ছয়জন খেলুৱৈৰে গঠিত দুটা দলে খেলা এটা দলীয় খেল। 1895 চনত উইলিয়াম জি মৰ্গানে (William G. Morgan) এই খেলবিধ উদ্ভাৱন কৰিছিল। ই হৈছে আমেৰিকাত উৎপত্তি হোৱা এক জনপ্ৰিয় খেল আৰু ইয়াৰ আনুমানিক 90 কোটি অনুৰাগীৰ আছে। ভলীবল ঘৰৰ ভিতৰত আৰু বাহিৰত উভয়তে খেলিব পাৰি। ই ইউৰোপ, অষ্ট্ৰেলিয়া, এছিয়া আৰু আমেৰিকাত জনপ্ৰিয়।
টেবুল টেনিচ (Table Tennis):
টেবুল টেনিছ, যাক পিং-পং বুলিও কোৱা হয় যি টেনিছৰ পৰা উৎপন্ন হোৱা এক ৰেকেট খেল। ই টেনিছ খেলৰ দৰে নহয় বৰঞ্চ ই হৈছে জালৰ দ্বাৰা দুখন ক’ৰ্টত বিভক্ত কৰা এখন স্থবিৰ টেবুলত খেলা খেল। আনুমানিক 85 কোটি অনুৰাগীৰ সৈতে টেবুল টেনিছ হৈছে বিশ্বজুৰি জনপ্ৰিয়তা লাভ কৰা এক ইনড’ৰ খেল। বিশ্বৰ প্ৰায়বোৰ বিদ্যালয়, সামাজিক ক্লাব আৰু ক্ৰীড়া কেন্দ্ৰত ই জনপ্ৰিয়।
বাস্কেটবল (Basketball):
বাস্কেটবল হৈছে আয়তাকাৰ ক’ৰ্টত খেলা এক গতিশীল দলীয় খেল। পাঁচজন খেলুৱৈ থকা দুটা দলৰ মাজত বাস্কেটবল খেলা হয়। প্ৰায় 80 কোটি অনুৰাগীৰ সৈতে বাস্কেটবল আমেৰিকাৰ এক প্ৰিয় খেল। ইয়াক বিনোদনমূলকভাৱে আৰু গাঁথনিগত প্ৰতিযোগিতাৰ জৰিয়তে খেলা হয়, ওচেনিয়া আৰু মধ্যপ্ৰাচ্যত ইয়াৰ উল্লেখযোগ্য অনুগামী আছে। নেচনেল বাস্কেটবল এছ’চিয়েচন (National Basketball Association) হৈছে বিখ্যাত পেছাদাৰী বাস্কেটবল লীগ।
বেছবল (Baseball):
বেছবল হৈছে 9 জনকৈ খেলুৱৈৰ দুটা দলৰ মাজত খেলা বেট আৰু বল খেল। প্ৰায় 50 কোটি অনুৰাগীৰ সৈতে বেছবল আমেৰিকা আৰু জাপানৰ এক জনপ্ৰিয় খেল। কৌশল, দক্ষতা আৰু পৰম্পৰাৰ অনন্য মিশ্ৰণৰ বাবে ই জনাজাত।
ৰাগবী (Rugby):
ৰাগবী হৈছে 19 শতিকাৰ প্ৰথমাৰ্ধৰ সময়ছোৱাত ইংলেণ্ডৰ ৰাগবী স্কুলত আৰম্ভ হোৱা এক দলীয় খেল। ইয়াক অণ্ডাকাৰ আকৃতিৰ এটা বলৰ সহায়ত এখন আয়তাকাৰ খেলপথাৰত 15 জনকৈ খেলুৱৈ থকা দুটা দলৰ মাজত খেলা হয়। আনুমানিক 47.5 কোটি অনুৰাগীৰ সৈতে ৰাগবী ওচেনিয়া, দক্ষিণ আফ্ৰিকা আৰু ইংলেণ্ডৰ এক জনপ্ৰিয় খেল। ইয়াৰ তীব্ৰ শাৰীৰিকতা আৰু কৌশলগত গেমপ্লেৰ বাবে জনাজাত।
গলফ (Golf):
গলফ হৈছে নিখুঁতভাৱে ডিজাইন কৰা সেউজীয়া কোৰ্চত খেলা এক মনোমোহা খেল। ইয়াক এটা সৰু বল আৰু এডাল গলফষ্টিক সহায়ত খেলা হয়। গলফ খেলৰ অনুৰাগীৰ সংখ্যা হৈছে প্ৰায় 45 কোটি।
সামৰণিত ক’ব পাৰি যে ক্ৰীড়াৰ বিশ্বব্যাপী জনপ্ৰিয়তাই ইয়াৰ সাংস্কৃতিক আৰু ভৌগোলিক সীমা অতিক্ৰম কৰাৰ ক্ষমতা প্ৰতিফলিত কৰে। ফুটবল, ক্ৰিকেট, বাস্কেটবল আদি খেলৰ প্ৰত্যেকৰে নিজস্ব মনোমোহাতা আৰু আবেগিক অনুৰাগীৰ সংখ্যা আছে। এই ক্ৰীড়াসমূহৰ চিৰস্থায়ী জনপ্ৰিয়তাই কেৱল মনোৰঞ্জনৰ ৰূপ হিচাপেই নহয়, সাংস্কৃতিক পৰিচয় আৰু সামাজিক সংহতিৰ গুৰুত্বপূৰ্ণ দিশ হিচাপেও আলোকপাত কৰে।
- See Also -
FAQ
ফুটবল হৈছে পৃথিৱীৰ আটাইতকৈ জনপ্ৰিয় খেল।
পৃথিৱীত প্ৰায় আঠ হাজাৰ প্ৰকাৰৰ খেল আছে।
ক্ৰিকেট হৈছে ভাৰতৰ আটাইতকৈ জনপ্ৰিয় খেল।
- Source -
- World Atlas
- Best Diplomats
