অৰুণাচল প্ৰদেশৰ জিলাসমূহ : এক চমু আভাস।
অৰুণাচল প্ৰদেশ ভাৰতৰ উত্তৰ-পূবৰ এখন ৰাজ্য। উত্তৰ-পূব সীমান্ত সংস্থা (North East Frontier Agency) অঞ্চলৰ পৰা গঠন হৈছিল আৰু ইয়াক ৰাজ্য হিচাপে ঘোষণা কৰা হৈছিল 1987 চনত। এই মনোমোহা অঞ্চলটোৰ বৈশিষ্ট্য হৈছে ইয়াৰ প্ৰাকৃতিক দৃশ্য, ঘন অৰণ্য আৰু উচ্চ হিমালয়ৰ শৃংগ। ৰাজ্যখন বৈচিত্ৰময় উদ্ভিদ আৰু প্ৰাণীৰ বাবেও পৰিচিত, নামদাফাৰ (Namdapha) দৰে ৰাষ্ট্ৰীয় উদ্যানে নিজৰ বন্য অলংকৃত সৌন্দৰ্য্য প্ৰদৰ্শন কৰে। ৰাজধানী চহৰ ইটানগৰ (Itanagar) পাপুম পাৰে (Papum Pare) জিলাৰ মাজভাগত অৱস্থিত। এই ৰাজ্যখন 25 খন জিলাত বিভক্ত।
অৰুণাচল প্ৰদেশৰ জিলাসমূহ (List of Districts of Arunachal Pradesh) -
আঞ্জাৱ জিলা (Anjaw District):
আঞ্জাৱ জিলা অৰুণাচল প্ৰদেশৰ এখন প্ৰশাসনিক জিলা। 2004 চনত লোহিত জিলাৰ পৰা বিভাজিত কৰি ইয়াক জিলা হিচাপে সৃষ্টি কৰা হৈছিল। ব্ৰহ্মপুত্ৰ নদীৰ উপনৈ লোহিত নদী (Lohit River)ৰ পাৰত অৱস্থিত হাৱাই (Hawai) জিলা সদৰ। আঞ্জাৱ জিলাৰ আয়তন 6,190 বৰ্গকিলোমিটাৰ আৰু জনসংখ্যা 21,167 জন (2011)। আঞ্জাৱ ভাৰতৰ দ্বিতীয় সৰ্বনিম্ন জনবহুল জিলা (Second least populous district in India)।
চাংলাং জিলা (Changlang District):
চাংলাং জিলা লোহিত জিলা (Lohit district)ৰ দক্ষিণে আৰু টিৰাপ জিলা (Tirap district)ৰ উত্তৰত অৱস্থিত। ই অৰুণাচল প্ৰদেশৰ দ্বিতীয় জনবহুল জিলা (Second most populous district of Arunachal Pradesh)। চাংলাং জিলাৰ জনসংখ্যা 1,48,226 জন (2011) আৰু মুঠ মাটিকালি 4,662 বৰ্গ কিলোমিটাৰ।
দিবাং উপত্যকা জিলা (Dibang Valley District):
দিবাং উপত্যকা অৰুণাচল প্ৰদেশৰ এখন জিলা যাৰ নাম দিবাং নদী (Dibang River)ৰ নামেৰে ৰখা হৈছে। 7,948 জন (2011) জনসংখ্যাৰে ই ভাৰতৰ কম জনবসতিপূৰ্ণ জিলা (Least populated district in India)। ইয়াৰ মুঠ আয়তন 9,129 বৰ্গ কিলোমিটাৰ। ইয়াৰ মুখ্য কাৰ্যালয় অনিনি (Anini)ত অৱস্থিত।
পূব কামেং জিলা (East Kameng District):
পূব কামেং জিলাৰ মুখ্য কাৰ্যালয় চেপা (Seppa)ত অৱস্থিত। ইয়াৰ মুঠ মাটিকালি 4,134 বৰ্গ কিলোমিটাৰ আৰু ইয়াৰ জনসংখ্যা 78,690 জন (2011)।
পূব চিয়াং জিলা (East Siang District):
পূব ছিয়াং জিলাৰ সদৰ পাছিঘাট (Pasighat)ত অৱস্থিত। পাছিঘাট অৰুণাচল প্ৰদেশৰ আটাইতকৈ পুৰণি চহৰ (Oldest Town in Arunachal Pradesh)। জিলাখনৰ মুঠ আয়তন 4,005 বৰ্গ কিলোমিটাৰ আৰু ইয়াৰ জনসংখ্যা 99,214 জন (2011)।
কামলে জিলা (Kamle District):
কামলে জিলা অৰুণাচল প্ৰদেশৰ এখন প্ৰশাসনিক জিলা আৰু ইয়াৰ সদৰ ৰাগা (Raga)ত আছে। কামলে নদী (Kamle River)ৰ পৰাই ইয়াৰ নাম কামলে দিয়া হৈছে। ইয়াৰ আয়তন 200 বৰ্গ কিলোমিটাৰ আৰু জনসংখ্যা 22,256 জন (2011)।
ক্ৰা দাদি জিলা (Kra Daadi District):
কুৰুং কুমেই জিলাৰ পৰা 2015 চনত এই জিলাখনৰ সৃষ্টি কৰা হৈছিল। ইয়াৰ মুখ্য কাৰ্যালয় পেলিন (Palin)ত অৱস্থিত। ইয়াৰ আয়তন 2,202 বৰ্গ কিলোমিটাৰ আৰু জনসংখ্যা 46,704 জন (2011)।
কুৰুং কুমে জিলা (Kurung Kumey District):
কুৰুং কুমেই এখন প্ৰশাসনিক জিলা আৰু ইয়াৰ মুখ্য কাৰ্যালয় কলৰিয়াঙ (Koloriang)ত অৱস্থিত। ইয়াৰ আয়তন 3,838 বৰ্গ কিলোমিটাৰ আৰু জনসংখ্যা 45,372 জন (2011)।
লেপা-ৰাডা জিলা (Lepa-Rada District):
লেপা ৰাডা জিলাৰ মুখ্য কাৰ্যালয় বাছৰ (Basar)ত অৱস্থিত। পশ্চিম ছিয়াং (West Siang) জিলাৰ পৰাই ইয়াক সৃষ্টি কৰা হৈছে। ইয়াৰ আয়তন 982.67 বৰ্গ কিলোমিটাৰ আৰু জনসংখ্যা 14,490 জন (2011)।
লোহিত জিলা (Lohit District):
লোহিত অৰুণাচল প্ৰদেশৰ এখন প্ৰশাসনিক জিলা আৰু জিলা সদৰ তেজু (Tezu)ত অৱস্থিত। জিলাখনৰ আয়তন 2,402 বৰ্গ কিলোমিটাৰ আৰু জনসংখ্যা 49,776 জন (2011)।
লংডিং জিলা (Longding District):
টিৰাপ জিলা (Tirip District)ৰ পৰা লংডিং জিলাৰ সৃষ্টি কৰা হৈছে। জিলাখনৰ জনসংখ্যা 56,953 জন (2011) আৰু আয়তন 1,192 বৰ্গ কিলোমিটাৰ।
নিম্ন দিবাং উপত্যকা জিলা (Lower Dibang Valley District):
1980 চনত লোহিত জিলাৰ এটা অংশৰ পৰা দিবাং উপত্যকা জিলাৰ সৃষ্টি কৰা হয়। জিলাখনৰ মুখ্য কাৰ্যালয় হৈছে ৰয়িং (Roing)। জিলাখনৰ আয়তন 3,900 বৰ্গ কিলোমিটাৰ আৰু জনসংখ্যা 53,986 জন (2011)।
নিম্ন চিয়াং জিলা (Lower Siang District):
2017 চনত পশ্চিম ছিয়াং আৰু পূব ছিয়াং জিলাৰ পৰা নিম্ন ছিয়াং জিলাৰ সৃষ্টি হৈছিল। ছিজি (Siji) জিলাখনৰ মুখ্য কাৰ্যালয়। নিম্ন ছিয়াঙৰ জনসংখ্যা 22,630 জন (2011) আৰু ইয়াৰ মুঠ এলেকা 2395.85 বৰ্গকিলোমিটাৰ।
নিম্ন সুবনশিৰি জিলা (Lower Subansiri District):
1987 চনত এই জিলাখন গঠন হৈছিল। জিলা সদৰ জিৰ’ (Ziro)ত অৱস্থিত। জিলাখনৰ মাটিকালি 3,460 বৰ্গ কিলোমিটাৰ আৰু জনসংখ্যা 83,030 জন (2011)। জিলাখনৰ চুতীয়া ৰাজ্য (Chutiya Kingdom)ৰ সৈতে জড়িত এক দীঘলীয়া প্ৰাচীন ইতিহাস আছে।
নামচাই জিলা (Namsai District):
2014 চনত লোহিত জিলাৰ পৰা নামচাই জিলাৰ সৃষ্টি কৰা হৈছিল। জিলাখনৰ আয়তন 1,587 বৰ্গ কিলোমিটাৰ আৰু জনসংখ্যা 95,950 জন (2011)।
পাক্কে-কেছাং জিলা (Pakke-Kessang District):
2011 চনৰ লোকপিয়লৰ তথ্য মতে জিলাখনৰ জনসংখ্যা 15,358 জন আৰু মুঠ মাটিকালি 1,932 বৰ্গ কিলোমিটাৰ। ইয়াৰ মুখ্য কাৰ্যালয় লেমা (Lemmi)ত অৱস্থিত।
পাপুম পাৰে জিলা (Papum Pare District):
1999 চনত নিম্ন সুবনশিৰি জিলাৰ পৰা বিভক্ত হৈ জিলাখন গঠন হৈছিল। জিলা সদৰ য়ুপিয়াত অৱস্থিত আৰু জিলাৰ আয়তন 2,875 বৰ্গ কিলোমিটাৰ। 2011 চনৰ লোকপিয়লৰ মতে ই অৰুণাচল প্ৰদেশৰ সৰ্বাধিক জনবহুল জিলা (Most populous district of Arunachal Pradesh) আৰু ইয়াৰ জনসংখ্যা 1,76,573 জন। এই জিলাখনৰ ভিতৰতে ৰাজ্যখনৰ ৰাজধানী ইটানগৰ (Itanagar)অৱস্থিত।
শি যোমি জিলা (Shi Yomi District):
2018 চনত পশ্চিম ছিয়াং জিলাক বিভাজন কৰি শ্বি-য়োমি জিলাৰ সৃষ্টি কৰা হৈছিল। ইয়াৰ মুখ্য কাৰ্যালয় টাটো (Tato)ত অৱস্থিত। জিলাখনৰ মুঠ এলেকা 2,875 বৰ্গ কিলোমিটাৰ আৰু জনসংখ্যা 13,310 জন।
ছিয়াং জিলা (Siang District):
পশ্চিম ছিয়াং আৰু পূব চিয়াং জিলাৰ পৰা 2015 চনত ছিয়াং জিলাৰ সৃষ্টি কৰা হৈছিল। ছিয়াং নদীৰ নামেৰে ছিয়াং জিলাখনৰ নামকৰণ কৰা হৈছে, যাক ব্ৰহ্মপুত্ৰ নদ (Brahmaputra River) বুলি জনা যায়। জিলাখনৰ জনসংখ্যা 31,920 জন (2011) আৰু ইয়াৰ মুঠ আয়তন 2.919 কিলোমিটাৰ।
টাৱাং জিলা (Tawang District):
ঐতিহাসিকভাৱে টাৱাং তিব্বতৰ অংশ আছিল। 1914 চনৰ চিমলা চুক্তি (Simla Accord)ত মেকমোহন ৰেখাক (McMahon Line) ব্ৰিটিছ ভাৰত আৰু তিব্বতৰ মাজৰ নতুন সীমা হিচাপে সংজ্ঞায়িত কৰা হৈছিল। টাৱাং জিলাৰ আয়তন 2,172 বৰ্গ কিলোমিটাৰ আৰু ইয়াৰ জনসংখ্যা 49,977 জন (2011)।
টিৰাপ জিলা (Tirap District):
টিৰাপ জিলা ৰাজ্যখনৰ দক্ষিণ-পূব অংশত অৱস্থিত ৷ টিৰাপ জিলাৰ আয়তন 2,362 বৰ্গ কিলোমিটাৰ আৰু জনসংখ্যা 1,11,975 জন (2011)।
উচ্চ চিয়াং জিলা (Upper Siang District):
আপাৰ ছিয়াং ভাৰতৰ চতুৰ্থ কম জনসংখ্যাৰ জিলা (Fourth least populous district in India)। জিলা সদৰ য়িংকিয়ঙ (Yingkiong)ত অৱস্থিত। জিলাখনৰ আয়তন 6,118 বৰ্গ কিলোমিটাৰ আৰু জনসংখ্য়া 35,320 জন (2011)।
উচ্চ সুবনশিৰি জিলা (Upper Subansiri District):
সুবনশিৰি জিলা গঠন হৈছিল 1980 চনত। উচ্চ সুবনশিৰি জিলা সদৰ ডাপৰিজোত (Daporijo) অৱস্থিত। উচ্চ সুবনশিৰি জিলাৰ আয়তন 7,032 বৰ্গ কিলোমিটাৰ আৰু ইয়াৰ জনসংখ্যা 83,448 জন (2011)।
পশ্চিম কামেং জিলা (West Kameng District):
এই নামটো ব্ৰহ্মপুত্ৰৰ উপনৈ কামেং নদী (Kameng river)ৰ পৰাই উদ্ভৱ হৈছে। পশ্চিম কামেং জিলাৰ আয়তন 7,442 বৰ্গ কিলোমিটাৰ আৰু জনসংখ্যা 83,947 জন (2011)।
পশ্চিম চিয়াং জিলা (West Siang District):
পশ্চিম ছিয়াং জিলা অৰুণাচল প্ৰদেশৰ এখন প্ৰশাসনিক জিলা আৰু ইয়াৰ জিলা সদৰ আলো (Aalo)ত অৱস্থিত। পশ্চিম ছিয়াং জিলাৰ জনসংখ্যা 1,12,274 জন (2011) আৰু আয়তন 8,325 বৰ্গ কিলোমিটাৰ।
সামৰণিত ক’ব পাৰি যে অৰুণাচল প্ৰদেশৰ 25 খন জিলাই উন্মোচন কৰিছে সংস্কৃতি আৰু প্ৰাকৃতিক সৌন্দৰ্য্যৰে চহকী এক বৈচিত্ৰময় পৰিৱেশ। টাৱাঙৰ নিস্তব্ধ মঠৰ পৰা আৰম্ভ কৰি দিবাং উপত্যকাৰ অস্পৃশ্য প্ৰান্তৰলৈকে প্ৰতিখন জিলাই এক অনন্য কাহিনী বৰ্ণনা কৰে।
FAQ
অৰুণাচল প্ৰদেশৰ মুঠ জিলাৰ সংখ্যা 25 খন।
অৰুণাচল প্ৰদেশৰ ৰাজধানী ইটানগৰ। ইয়াৰ উপৰিও ই ৰাজ্যখনৰ সৰ্ববৃহৎ চহৰ।
অৰুণাচল প্ৰদেশৰ সৰ্ববৃহৎ জিলাখন হৈছে দিবাং উপত্যকা জিলা।
অৰুণাচল প্ৰদেশৰ আটাইতকৈ সৰু জিলাখন হৈছে কামলে জিলা।
অৰুণাচল প্ৰদেশৰ “উদীয়মান সূৰ্য্যৰ ভূমি” নামেৰে পৰিচিত জিলাখন হৈছে লোহিত।
পাপুম পাৰে জিলাৰ জনসংখ্যা অৰুণাচল প্ৰদেশৰ ভিতৰতে সৰ্বাধিক।
অৰুণাচল প্ৰদেশৰ সৰ্বনিম্ন জনসংখ্যা থকা জিলাখন হৈছে দিবাং উপত্যকা।
- Source -
- Wikipedia
