বিশ্বৰ শীৰ্ষ 10 টা উচ্চতম পৰ্বত।
পৃথিৱীৰ পৃষ্ঠৰ আটাইতকৈ আকৰ্ষণীয় আৰু ভয়ংকৰ বৈশিষ্ট্যসমূহৰ ভিতৰত পৰ্বতসমূহ অন্যতম। প্ৰাচীন কালৰে পৰা এতিয়ালৈকে এই প্ৰাকৃতিক আশ্চৰ্য্যই আমাক আচৰিত আৰু অনুপ্ৰাণিত কৰি আহিছে। কিছুমান পৰ্বতৰ উচ্চ উচ্চতা, কঠিন ভূখণ্ড আৰু সাংস্কৃতিক গুৰুত্বৰ বাবে বিশেষভাৱে উল্লেখযোগ্য। ইয়াত আমি বিশ্বৰ শীৰ্ষ ১০ টা উচ্চতম পৰ্বতৰ অন্বেষণ কৰিম যিবোৰৰ প্ৰত্যেকৰে নিজস্ব বিশেষ মনোমোহতা আৰু আকৰ্ষণ আছে।
মাউণ্ট এভাৰেষ্ট (Mount Everest):
হিমালয় পৰ্বতমালাত অৱস্থিত এভাৰেষ্ট হৈছে সমুদ্ৰপৃষ্ঠৰ পৰা বিশ্বৰ সৰ্বোচ্চ পৰ্বত (Highest Mountain in the World)। ই নেপাল আৰু তিব্বতৰ সীমান্তত অৱস্থিত আৰু ইয়াৰ উচ্চতা 8,848 মিটাৰ (29,031 ফুট)। ইয়াক নেপালী ভাষাত সাগৰমাথা (Sagarmatha) আৰু তিব্বত ভাষাত চোমোলুংমা (Chomolungma) বুলিও কোৱা হয়।
মাউণ্ট এভাৰেষ্ট পৰ্বতাৰোহীসকলৰ মাজত জনপ্ৰিয়। ইয়াৰ দুটা মূল পথ আছে, এটা নেপালৰ দক্ষিণ-পূব দিশৰ পৰা আৰু আনটো তিব্বতৰ উত্তৰ দিশৰ পৰা। উচ্চতাৰ অসুস্থতা, বতৰ, হিমস্খলন আৰু খুম্বু বৰফৰ জলপ্ৰপাতৰ বাবে এভাৰেষ্ট বগাবলৈ বিপদজনক। 2022 চনৰ নৱেম্বৰ মাহলৈকে এভাৰেষ্টত 310 জন লোকৰ মৃত্যু হৈছে।
কাৰাকোৰাম ২ (Karakoram 2), K2:
K2, যাক মাউণ্ট গডউইন অষ্টেন (Mount Godwin Austen) বুলিও কোৱা হয়, পৃথিৱীৰ দ্বিতীয় সৰ্বোচ্চ পৰ্বত (Second Highest Mountain in the World), সমুদ্ৰপৃষ্ঠৰ পৰা 8,611 মিটাৰ (28,251 ফুট) উচ্চতাত অৱস্থিত। ইয়াক দ্য চেভেজ মাউণ্টেন (The Savage Mountain), দ্য কিং অৱ মাউণ্টেনছ (The King of Mountains) আৰু দ্য মাউণ্টেইনাৰ্ছ’ মাউণ্টেন (The Mountaineers Mountain) বুলিও জনা যায়।
1954 চনত K2 ৰ প্ৰথম সফল আৰোহণ হৈছিল, যিটো ইটালীৰ পৰ্বতাৰোহী লিনো লেচেডেলি (Lino Lacedelli) আৰু একিল কম্পাগ্নোনি (Achille Compagnoni)য়ে আৰ্ডিটো ডেচিঅ’ (Ardito Desio)ৰ নেতৃত্বত ইটালীৰ অভিযানৰ সময়ত সফলতা লাভ কৰিছিল। তাৰ পাছৰে পৰা 377 জন লোকে K2 শিখৰত উপনীত হৈছে যদিও আৰোহণৰ চেষ্টাৰ সময়ত 91 জন লোকৰ মৃত্যু হৈছে।
কাংচেনজুংগা (Kangchenjunga):
কাংচেনজুংগা হৈছে বিশ্বৰ তৃতীয় সৰ্বোচ্চ পৰ্বত (Third Highest Mountain in the World) আৰু ইয়াৰ উচ্চতা 8,586 মিটাৰ (28,169 ফুট) ৷ এই পৰ্বতটো নেপাল আৰু ভাৰতৰ ছিকিম ৰাজ্যৰ সীমান্ত অঞ্চলত বিস্তৃত হৈ আছে। 1955 চনৰ 25 মে’ত ব্ৰিটিছ কাংচেনজুংগা অভিযানৰ অংশ হিচাপে পৰ্বতাৰোহী জো ব্ৰাউন (Joe Brown) আৰু জৰ্জ বেণ্ডে (George Band) প্ৰথমটো সফল আৰোহণ কৰিছিল।
লোট্চে (Lhotse):
তিব্বতী ভাষাত কাংছুং ফেচ (Kangshung Face) নামেৰেও জনাজাত লোট্চে বিশ্বৰ চতুৰ্থ সৰ্বোচ্চ পৰ্বত (Fourth Highest Mountain in the World) আৰু ইয়াৰ উচ্চতা 8,516 মিটাৰ (27,940 ফুট)। ই চীনৰ তিব্বত স্বায়ত্তশাসিত অঞ্চল আৰু নেপালৰ খুম্বু অঞ্চলৰ মাজৰ সীমান্তত বিস্তৃত হৈ আছে। 1955 চনৰ আন্তৰ্জাতিক হিমালয়ান অভিযানে (International Himalayan Expedition) বিভিন্ন দেশৰ পৰ্বতাৰোহীক লৈ প্ৰথম প্ৰচেষ্টা চলাইছিল।
মাকালু (Makalu):
মাকালু বিশ্বৰ পঞ্চম সৰ্বোচ্চ পৰ্বত (Fifth Highest Mountain in the World) আৰু ইয়াৰ উচ্চতা সমুদ্ৰপৃষ্ঠৰ পৰা 8,485 মিটাৰ (27,838 ফুট)। ইয়াক নেপালী ভাষাত মাকালু হিমাল (Makalu Himal) আৰু চীনা ভাষাত মাকালু ফেং (Makalu Feng) নামেৰেও জনা যায়। ই মাউণ্ট এভাৰেষ্টৰ পৰা প্ৰায় 19 কিলোমিটাৰ দক্ষিণ-পূবে চীন আৰু নেপালৰ মাজৰ সীমান্তত অৱস্থিত। 1955 চনৰ 15 মে’ত জিন ফ্ৰাংকো (Jean Franco)ৰ নেতৃত্বত ফৰাচী অভিযানৰ পৰ্বতাৰোহী লিয়নেল টেৰে (Lionel Terray) আৰু জিন ক’জি (Jean Couzy)ৰ দ্বাৰা মাকালুৰ ঐতিহাসিক প্ৰথম আৰোহণ ঘটিছিল।
চ' অয়ু (Cho Oyu):
চ’ অয়ু হৈছে সমুদ্ৰপৃষ্ঠৰ পৰা 8,188 মিটাৰ (26,864 ফুট) উচ্চতাত থকা বিশ্বৰ ষষ্ঠ সৰ্বোচ্চ পৰ্বত (Sixth Highest Mountain in the World)। ই মাউণ্ট এভাৰেষ্টৰ পৰা 20 কিলোমিটাৰ পশ্চিমে চীন-নেপাল সীমান্তৰ মাজত অৱস্থিত।
প্ৰথম ধৌলাগিৰি (Dhaulagiri I):
সমুদ্ৰপৃষ্ঠৰ পৰা 8,167 মিটাৰ (26,795 ফুট) উচ্চতাত থকা প্ৰথম ধৌলাগিৰি বিশ্বৰ সপ্তম উচ্চতম পৰ্বত (Seventh Highest Mountain in the World)। ই নেপাল হিমালয়ৰ ধৌলাগিৰি পৰ্বতমালাত অৱস্থিত।
মানসলু (Manaslu):
মানসলু সমুদ্ৰপৃষ্ঠৰ পৰা 8,163 মিটাৰ (26,781 ফুট) উচ্চতাত থকা বিশ্বৰ অষ্টম সৰ্বোচ্চ পৰ্বত (Eighth Highest Mountain in the World)। ই পশ্চিম-মধ্য নেপালৰ নেপালৰ হিমালয়ৰ অংশ মানশিৰি হিমলত অৱস্থিত। 1956 চনৰ 9 মে’ত জাপানৰ এটা দলে মানসলুৰ প্ৰথম আৰোহণত উপনীত হয়। 2008 চনৰ মে’ মাহলৈকে মানসলুত 297 বাৰ আৰোহণ কৰা হৈছে আৰু 53 জন লোকৰ মৃত্যু হৈছে।
নংগা পৰ্বত (Nanga Parbat):
নংগা পৰ্বত বিশ্বৰ নৱম সৰ্বোচ্চ পৰ্বত (Ninth Highest Mountain in the World) আৰু ইয়াৰ উচ্চতা সমুদ্ৰপৃষ্ঠৰ পৰা 8,126 মিটাৰ (26,660 ফুট)। ই পাকিস্তান প্ৰশাসনিক কাশ্মীৰৰ গিলগিট-বাল্টিস্তান অঞ্চলত অৱস্থিত। নংগা পৰ্বতক কিলাৰ মাউণ্টেন (Killer Mountain) বুলি জনা যায় কাৰণ ইয়াত বগাবলৈ সঁচাকৈয়ে কঠিন আৰু বহুতো পৰ্বতাৰোহীয়ে চেষ্টা কৰিয়েই মৃত্যুবৰণ কৰিছে।
প্ৰথম অন্নপূৰ্ণা (Annapurna I):
প্ৰথম অন্নপূৰ্ণা, যাক ডায়েমাৰ বুলিও কোৱা হয়, বিশ্বৰ দশম উচ্চতম পৰ্বত (Tenth Highest Mountain in the World)। নেপালৰ গণ্ডাকি প্ৰদেশৰ অন্নপূৰ্ণা পৰ্বতমালাত অৱস্থিত। সমুদ্ৰপৃষ্ঠৰ পৰা 8,091 মিটাৰ (26,545 ফুট) উচ্চতাত অৱস্থিত প্ৰথম অন্নপূৰ্ণা পৰ্বতাৰোহীৰ বাবে অতি কঠিন আৰু বিপদজনক। 2022 চনলৈকে 365 জন লোকে ইয়াৰ শিখৰত উপনীত হোৱাৰ বিপৰীতে 72 জন লোকে আৰোহণৰ চেষ্টা কৰি প্ৰাণ হেৰুৱাইছে।
সামৰণিত ক’বলৈ গ’লে বিশ্বৰ শীৰ্ষ 10 টা উচ্চতম পৰ্বত প্ৰকৃতিৰ অবিশ্বাস্য আশ্চৰ্য্য। মাউণ্ট এভাৰেষ্টৰ পৰা প্ৰথম অন্নপূৰ্ণালৈকে প্ৰতিটো পৰ্বতে আমাৰ গ্ৰহটোৰ সৌন্দৰ্য্য আৰু শক্তি প্ৰদৰ্শন কৰে। এই পৰ্বতবোৰে আমাক আচৰিত কৰি তুলিছে আৰু দেখুৱাইছে যে পৃথিৱীৰ ভূ-প্ৰকৃতি কিমান বৈচিত্ৰময় হ’ব পাৰে।
FAQ
পৰ্বত হৈছে ইয়াৰ চৌপাশৰ পৰা ঠেককৈ ওপৰলৈ উঠি অহা বৃহৎ ভূ-ৰূপ আৰু ইয়াৰ শিখৰ বা শৃংগ থাকে।
বিশ্বৰ সৰ্বোচ্চ পৰ্বতটো হৈছে মাউণ্ট এভাৰেষ্ট।
মাউণ্ট এভাৰেষ্টৰ উচ্চতা সমুদ্ৰপৃষ্ঠৰ পৰা 8,848 মিটাৰ।
বিশ্বৰ দ্বিতীয় সৰ্বোচ্চ পৰ্বতটো হৈছে K2।
- Source -
- Wikipedia
